ამერიკის შეერთებულმა შტატებმა და კატარმა 1,2 ტრილიონი დოლარის „ეკონომიკური გაცვლის” შეთანხმება გააფორმეს. ამის შესახებ თეთრმა სახლმა 14 მაისს გამოაცხადა.
შედგა ბიზნეს-გარიგებებიც, რომელთა მოცულობა 243 მილიარდ დოლარს აჭარბებს. შედეგად, ავიაკომპანია Qatar Airways-ი ამერიკული კომპანიებისგან, Boeing-ისა და GE Aerospace-ისგან თვითმფრინავებს და ძრავებს შეიძენს. კატარი $1 მილიარდის ინვესტიციას ჩადებს კვანტური ტექნოლოგიებისა და სამუშაო ძალის განვითარებაშიც.
აშშ-ის პრეზიდენტი დონალდ ტრამპი სამთავრობო დელეგაციასთან ერთად კატარში 14 მაისს საუდის არაბეთიდან ჩავიდა და კატარის ამირას, შეიხ ტამიმ ბინ ჰამად ალ-თანის შეხვდა.
თავდაცვის კომპანია Raytheon-მა კატართან $1 მილიარდად შეფასებული შეთანხმება გააფორმა დრონების საწინააღმდეგო სისტემების შესყიდვაზე. ამდენად, კატარი Raytheon-ის Fixed Site-ის სისტემის პირველი საერთაშორისო შემსყიდველია.
თავდაცვის კიდევ ერთი კომპანია General Atomics-ი კატართან $2-მილიარდიანი შეთანხმების შესაბამისად, MQ-9B ტიპის დისტანციურად მართვად საფრენ აპარატებს შეისყიდის.
